存記燒味餐廳小廚 (已搬遷)

　以前存記係喺順利邨冬菇亭度，只係喺夜晚先開門做大排檔，後來順利商場新翼起好咗，存記搬咗入新翼，改為全日營業之餘，有時（喺下晝時份）仲會見到一班警察哥哥前來幫襯添。
　由於佢哋做埋送外賣，所以我哋有時冇煮飯都有叫外賣，有時都會幫襯下午茶，尤其是佢地下午茶時間嘅炒粉麵，如乾炒牛河同星洲炒米等，飲埋凍飲都只係廿七蚊咋！有時吼正五點幾叫，當晚飯食都不知幾盞。
　仲有佢哋啲小菜都幾正，價錢幾公道，佢哋嘅豉油皇煎生蠔同金華雞，我有時都會叫番屋企食㗎。