懶左好一段時間
結果呢間車仔麵激發我寫返食評嘅衝動
呢間車仔面個名就改得好喇
都吸引到人入去既
地方唔算大
有十零張枱咁啦
有卡位都算坐得舒服既
當日點左三餸車仔面
有麵根，豬軟骨，蘿蔔
湯底就係大辣沙嗲
每次食車仔麵都必要蘿蔔
因為索曬湯既蘿蔔係冇得頂
一上菜 見到蘿蔔就知大鑊
超失望 完全唔淋
又無索到湯汁
一舊爽既物體
究竟我食緊啲咩
成日都覺得蘿蔔喺車仔麵嘅靈魂配料
今次佢完完全全推翻晒成件事
至於豬軟骨
炆得唔淋都算 肉係鞋既
想請問我係食豬肉定係要咬香口膠？
極度失望
講返個湯底，唯一只能夠講
佢冇落味精
係冇味嘅
我都唔知讚定唔讚好
但整體黎講
我唔會再食
