春水堂 (新都會廣場)

假日去商場行街, 攰攰地想搵個地方坐下, 見呢間春水堂好大又好多位, 但無人排隊, 反正響香港未食過, 所以一於試試.
兩個人都唔係好肚餓, 所以叫左一個照燒雞排便當, 雞排份量都幾小又細舊, 肉質比較乾.
側邊既菇同菜都好淡, 白烚一樣, 成個便當唔值呢個價錢.
之後要珍珠奶茶, 茶味唔香, 珍珠軟腍正常, 無咩特別.
叫左呢2樣已經係百幾蚊, 味道一般, 祗係環境OK可以坐下, 都係去台灣旅行再食好過.