火箭餐廳

营业中

休息中

今日走入去迪士尼玩，肚餓去咗火箭餐廳醫肚。點咗個邪惡豬扒漢堡套餐。個名好特別，想知佢有幾邪惡。收銀員Eric貼心問我是否走辣，因為個包帶點微辣，我個人食得辣。個餐有豬扒包，旋風薯條，沙律杯加埋杯紅魔梳打。杯紅梳打底部有紅色果醬，問服務員Steven知道這杯紅魔特飲是士多啤梨味。另一位服務員Angela提醒我要搞勻佢先好飲。三位職員非常稱職。值得一讚。先食個包，包面有個南瓜頭。賣相滿分。個包帶點南瓜味，塊豬扒好軟身，食落好滋味。塊豬扒帶點微辣，醬汁加埋個包一齊食就好特別。去澳門都食唔到咁好味既豬扒包。沙律杯加入亨氐千島醬。旋風薯條加入亨氐蕃茄醬。亨氐屬醬汁界極品。沙律及薯條就變得格外好食。沙律食材新鮮。入口清新爽口。旋風薯條造型好旋風。賣相好特別。加埋杯紅魔梳打，整體好配合萬聖節氣氛。完餐後可以將個空杯拿走，去附近的鋼鐵奇俠玩區的洗手間，有自助水機。這樣便可以無限添飲。