味道樂居酒屋 (元州街) (已結業)

同朋友lunch又走來長沙灣呢一頭食好西～曾經喺尖沙咀食過味道樂居酒屋，原來喺長沙環都有一間！我嘅朋友一路上已經嘈住要食牛舌飯，話超好食，雖然講到咁誇張，但都無動搖到想減肥既我！（因為睇過話牛舌係超多油脂，所以唔夠食）。Anyway，我最後叫左lunch set 3號餐，就係照燒雞扒拼芝麻醬凍烏東。前菜有沙律、蒸蛋同埋一碗面鼓湯，沙律同蒸蛋都好味，可以喺等正餐嘅時間食住先～賣相好靚！未食已經心心眼，即刻影相打下卡先，味道方面，照燒雞扒真心好正，佢唔係一般炸雞扒或煎雞扒，佢係用炭烤出嚟嘅嗰種感覺，雞扒有種炭香味，正！自己加左啲七味粉上去更加好食了。朋友食勁啱食飯，係lunch set 入邊最平又最受歡迎既，最後聽佢哋講到咁好食，叫朋友俾咗一啖我試吓，又真係幾好食喎，又說腌得好入味，而且油脂多亦代表真係好香口，要無法抗拒地講句：好好味！