阿里郎熱狗棒 (已結業)

終於終於終於食到韓國好出名嘅熱狗棒, 我相信其實熱狗棒係每個小朋友嘅一個童年回憶, 至少對我來講係...但係今時今日嘅熱狗棒已經進化左,仲有着唔同嘅款式添,居民旺角新開左一間韓國入口嘅熱狗棒小店,咁我就梗係同親愛的一齊去試吓啦! 我哋總共揀咗三款唔同嘅口味, 一種呢就係車打芝士腸, 有啲呢係冇香腸嘅入邊成條都係芝士...邪惡感十足但相當滿足! 我哋就order左一個原味嘅熱狗棒, 呢個車打芝士熱狗棒, 仲有一個水牛芝士拉絲熱狗棒! 小店提供左唔同嘅醬料比客人自由去配搭, 有番茄醬蜜糖芥茉醬, 芝士腸泰式辣醬同埋芝士粉, 我個人就覺得椰子糖唔係太啱自己口味所以我就落咗最原始嘅茄醬同埋芥末醬!