但都係大埔「萬利車仔麵」最好食 ,真係最少一星期要食一次!!!!
而且喱到個老闆好親切...每次見我拖住個喼入去食野 ,佢都會幫我安置我個喼
點完野食 ,仲會搵人幫我拎....感謝你地
入到去 ,首先搵左個位放低筷子....之後就可以排隊揀野食
「萬利車仔麵」最特別當然係佢既辣汁 (都可以叫咖哩汁)
鐘意食辣既你地一定會好鐘意!!!
講到最好味既野食 ,就係雞腳 ,好入味>V<
食「萬利車仔麵」比個TIPS俾大家
將辣汁同粉溝埋一齊等5分鐘左右先食 ,就會完全食到佢既辣汁有幾咁好味
「萬利車仔麵」地方雖然唔係好大 ,但係就好有親切感
逼下逼下就可以坐多一個人
如果食腸粉台上仲有可以自己調味!!!
曾經萬利牛丸都係我最愛 ,但我食得出已經唔同左...無咁彈牙
希望老闆見到可以入番之前個隻..><
