翡翠拉麵小籠包 (已結業)

本來想去城中鴨子食，因為已經四點幾，佢哋有落場時間，其他舖頭又要排隊，得哩間唔洗排。朋友已經講過比我聽千祈唔好食佢哋嘅麵或炒飯，好難食喎。 佢哋推介我幾款菜式，包冇事我哋叫咗鬆子桂魚、 鵪鶉皮蛋、小籠包、高力豆沙、蘿蔔絲酥餅＆酸菜魚高力豆沙一呢到暖暖哋唔夠熱， 黑色兩隻係芝麻餡，黃色嗰兩隻係紅豆餡，味道可以嘅，不過唔夠熱。鵪鶉皮蛋不過不失。鬆子桂魚，炸到剛剛好熱辣辣，好味呀！ 可惜條桂魚唔太新鮮， 有啲腥味。酸菜魚味道可以，不過魚好少小籠包出嚟熱辣辣，係最後一味餸，忘記咗影相，皮都算薄，但係個餡太甜，如果落少啲糖就幾好味。原來呢間舖頭最好食嘅係蘿蔔絲酥餅， 熱辣辣，味道唔錯。