鳳城酒家 (已結業)

以前试过黄埔的凤城,并无深刻印象。今朝迟起想饮茶,又唔想去太远,谂起饮食男女提过嘅凤城,于是同两个女去一试。大约12点去到,即刻有位,有啲担心。地方新净企理,杯碟干净。打开点心纸,见大部份都是传统点心。叫咗:1.金蒜鲜虾春卷 - 无乜馅料,但即叫即炸,有烫口的感觉;2.红油抄手 - 完全唔系果回事,只系豆苖饺加鼓油同些少辣椒;3.上海小笼包 - 细女一人食哂,唔知乜味,但上面加咗几粒蟹子扮蟹皇,唔掂;4.香煎萝卜糕 - 得;5. 四宝滑鸡扎 - 好,鱼肚入味,鸡件有咬口;6.香茜叉烧肠 - 肠粉够滑,料多;7. 凤城高汤炸粉果 - 炸不透,粉果皮有糊口又含油的感觉;8.雪耳木瓜糖水 - 太早叫,嚟咗摊冻咗,还可以。整体印象,食物水准不平均(千祈唔好点非广东点心)。优点喺即叫即蒸/炸,要等耐啲但可提高食物质素(尤其系天冷)。招呼方面只系一般,明显人手不足。环境卫生好(无去厕所,唔知干唔干净)。环顾四周,见到多数系一家大细饮茶聚餐(可能假日关系)。最后埋单,6大点,1中点,1小点同埋3位茶钱再加一共$216,免找$220落楼。以食物质素而言,属偏贵,唔会系经常去嘅选择,偶一为之,食吓传统点