圓圓小姐 (快樂大廈)

营业中

休息中

邂逅圓圓小姐 喺銅鑼灣食完晚飯，同朋友喺附近逛逛街，散下步。途經利園山道，見到開咗新飲品店，全間舖 以粉紅色為主題，仲有一個漂亮嘅名字圓圓小姐 ，吸引我停下來，望下有什麼飲。最後同朋友一人一杯，我就揀咗冬瓜芋薯圓，朋友就選擇飲黑糖波波仙草鮮奶。我覺得我那杯冬瓜茶底配上煙煙韌韌嘅芋圓薯圓 ，幾解渴，又有咬口，味道豐富。我都試咗朋友個杯，黑糖波波幾彈牙，黑糖味帶焦香，又夾雜住滑滑嘅仙草。鮮奶香濃奶味，應該係用上真正嘅鮮奶，而唔係奶精之類。飲品水準唔錯，會再幫襯。