韓牛牧場 (已結業)

喺銅鑼灣都幾多放題選擇 呢一間見到佢都有做大閘蟹任食 但係可惜我朋友唔係話特別鍾意食 所以就冇事佢哋呢一個大閘蟹啦佢哋嘅任食餐牌都幾多野揀 除咗有壽司刺身之外 亦都有海鮮同埋各種肉類俾你去燒烤 佢啲刺身都幾新鮮 有帶子三文魚等等 而且甜蝦仲要任食添！ 亦都有醬油蝦 喺香港好少食得到 佢嘅醬料都醃得唔錯 啲蝦都算新鮮講吓佢個燒烤爐先 啲肉快就燒熟 而且唔會出好多油 所以都好放心食用 羊架都唔錯 要成隻手掌咁大 出面仲有沙律吧 同埋飲品任飲 佢哋嘅雪糕雪條都幾多款式添！