八木橋日式燒肉

营业中

休息中

同男朋友去旺角T.O.P食燒肉放題，呢度有好多種唔同食物，包羅萬有，我哋見到乜嘢都點一啲，一邊燒一邊食，真心超正！⭐️芝士雞腿肉，芝士同雞腿肉嘅味道非常急，而且燒完芝包住整件雞腿肉！⭐️台式黑椒腸，我一直覺得台式腸特別好味，肉嘅口感比較突出，黑椒腸嘅味道微辣，令人更加開胃。⭐️雞中翼有兩種口味，法芥燒雞中翼和蒜香燒雞中翼。法芥口味有醬汁喺上面，食落去比較濕潤。蒜香雞翼比較乾身香口，蒜味非常濃郁。⭐️牛肉除咗有不同部位，可選擇外，更有不同醬汁可選擇。例如牛板腱，肩脊肉，牛胸腹，有原味，韓風，法芥和七味，韓嘅味道最重最濃，法芥的醬汁令牛肉keep到咁多汁，七味微微辣辣地有少少香味。原味可以食到最原始嘅牛肉鮮味，每款都非常好食。⭐️冬菇，杏鮑菇，左金菇，黑松露牛油雜菌，好鍾意食菇類，全部燒起嚟非常香。⭐️其他仲有西京燒比目魚，味醂魚乾，即炸天婦羅，選擇多多又好味。