群記清湯腩 (已結業)

朋友講到呢間食牛腩既超好食就一於去試下。 平時好多人，要等好耐，今次門口都多人，不過只係等左10分鐘左右。由於朋友遲到，我一個人坐係咁繁忙既群記，霸住兩個位又未叫野食，啲呀姐面口都幾難睇。坐左十分鐘左右，終於有個呀姐開口話我，咁我唯有叫野食先。當時3點，我本身想試下呢度既招牌，爽腩同豬油渣面，結果兩樣都售罄。 呢度好串，唔比雙拼，而爽腩只係唔賣比你跟粉面，如果你嗌百幾蚊碗淨爽腩係有既。餐牌只有一頁，有唔同種類既牛食，牛鞭，牛面珠都有，牛腩亦有爽腩，肥腩同普通牛腩你揀。其實我想試牛鞭，不過驚嚇親朋友haha.最後我叫左碗肥腩米， 滿心期待試下有幾好食。黎到賣相唔錯，呢肥腩真係好肥。 亦因為咁，其實好膩。結果食完我覺得只係不過不失，冇乜驚喜。 或者下次應該早啲黎食爽腩。