意粉屋 (已結業)

前幾排，又黎飯堂食野。不過時間遲左，就當係遲來既午餐，反正下午茶係抵食過午餐既。找到個海景位食下午茶，真係十分寫意。就食個酥皮湯下午茶啦。酥皮周打魚湯酥皮焗到卜卜脆，又夠軟身。而酥皮浸入湯到就更好，無咁熱氣之餘又幾好食。而湯都幾足料，有薯仔、煙肉碎同數量幾多既魚。個湯整體上好夠滑同忌廉味好濃，飲完碗湯之後，個湯碗仲有熱氣噴出黎，酥皮湯真係夠哂熱啦。香蒜火腿雞絲意粉好似係港式炒意粉，好夠穫氣。雖然只係得雞絲同火腿，但蒜味好夠，所以炒出黎係幾好食架。個意粉又唔算好油既，比肉醬意粉更好食。凍莫加咖啡杯野整得好有心機，有支百力滋個忌廉到，可以點忌廉。好味呀，而朱古力同咖啡味都好平均。杯野好好飲。下午茶真係好坐好多，而且食物質素唔錯，實有下次既。