Hue Dining (已結業)

媽媽生日，作為孝順女嘅我一早預約定餐廳，一家人一齊慶祝媽媽生日💞一去到餐廳，媽媽已經捉住爸爸瘋狂打卡，由門口到入座都不停影相，好興奮📸特別係餐廳對住維港海景，大大塊落地玻璃窗可以無死角睇到海景，好正😍依個 鴨肝凍醬 入口即溶，鴨肝嘅味道好耐都揮之不去🤤食到有少少攻鼻嘅辣，原來係香草芥末醬，兩者又幾夾喎🫢媽媽話 烤意大利青瓜 好啱胃口，因為依種意大利青瓜好有營養，更可以促進新陳代謝，真係厲害呢😮然後爸爸最喜歡 和牛西冷牛扒，惹味嘅黑蒜汁同松露好香👃🏼要讚嘅係薯仔煙熏味好出，好出色嘅伴菜😜甜品有兩樣分別係 蛋白脆餅 同 柚子慕絲蛋糕🥰兩樣嘅甜度都恰到好處，食埋甜品真係好滿足啊😚