陳漢記 (已結業)

一到冬天陳漢記煲仔飯門外總會有一條長長既人龍，夥記會一早問定你要咩煲仔飯，佢地就會開始整，到你入座後唔使再等好耐就有得食。一行二人叫左3樣野，碎牛粥、炸兩、仲有點少得臘腸排骨煲仔飯😋煲仔飯果然係無得輸，香噴噴熱辣辣，唔夠豉油可以再問佢地拎既，如果一個人要食哂一個飯就會好膩，所以我地就再叫左碗粥同炸兩。碎牛粥粥底夠綿，不過可以叫碎牛加牛肉粥會更好，有d 咬口會更好。炸兩比之前黎食既時候細條左好多，雖然味道依然，但因為細條左所以唔夠口囉。