美味廚 (已結業)

美味廚迄立喺銅鑼灣都好耐！都算係老舖☺。我由初中開始都幫襯了唔短嘅日子喇😤，每逢想食排骨菜飯、菜肉雲吞、酸辣湯、炒三鮮、回鍋肉…………😏都第一時間壤著要去食！加上當時香港都未有咁多選擇，同家住銅鑼灣必然係幫襯嘅首選之一啦！😉美味廚當年最出名算係“排骨菜飯”！排骨香酥甜甜鬆軟，菜飯濕潤又多菜，一流👍但隨時間流逝呢味名物都有段時間出品差了不少😧飯硬無味，肉硬，嘩簡直😦可能同師父自已去咗天后開舖有關，師父仔又未掌握得到！今日中午我再去光顧，今次叫午市餐-排骨菜飯+豆漿☺排骨比我上次叫外買時鬆軟有肉(但就少咗甜甜味道，菜飯勉強ok(但就比較淡同菜少咗！)總括水準都好返啲！😉