串爆

营业中

休息中

係香港食四川串串個價錢都唔平，如果有放題就真係超值喇~ 我地係旺角廣華街果條食街搵到一間食串串嘅放題，第一次見好有興趣食下~可以自己揀選辣度，我地點左小辣，而配料選擇都幾多，有四十款可以任君選擇，我地都食左好多款，有唔少都係值得推介!萵筍切到一片片，食落好爽口，香港好少地方可以食到，好有四川地道嘅感覺~厚百頁吸哂湯底麻辣嘅味道，佢將啲腐皮紮埋一齊打個結，所以食落一層層，口感好豐富，而且豆味好濃，鍾意食豆製品嘅人真係一定要食，同埋出面都好少見~雞軟骨好爽彈，咬落仲有陣陣鮮味，雞軟骨仲黐左少少雞肉，唔會食到好空虛，不錯~五花肉用左好多香料醃製，麻辣味都好足，五花肉好腍身，一啲筋都無，口感幾好泡椒牛肉牛肉片會包住左一粒泡椒，食得辣嘅朋友可以連埋泡椒一齊食，而我就唔係好食得辣，但又想過下辣癮，就咁食牛肉片，都有好香泡椒嘅味道，好惹味，好刺激!.蒜泥青瓜青瓜好爽口清新，而且仲有好多蒜粒搭配，蒜味好香，岩哂啲好似我咁嘅重口味人士 。滷水雞翼尖滷得好入味，唔錯，如果食左太多辣下想轉下口味又解解辣，呢個都係一個唔錯嘅選擇!麻辣豬紅有好香麻辣味，辣得過癮，十分惹味，仲有韮菜食，香口又好味，好快就清左碟。