船皇 (厚福街) (已結業)

厚福街美食多，呢间泰式车仔面船面都成日有foodie讲。星期六12点几，难得条街未开始旺，冇咩人，所以就拣左呢间餐厅，谂住终于有机会试下。点知……完全唔明点解IG成日都有人推介如果讲价钱平既话，都只系比同街既沾面拉面平，人均七十几蚊，其实都有唔少更好既选择。个汤底唔系热辣辣，好似浓郁酱汁味咁，小的不才，食唔出咩味，亦冇觉得特别好食。猪红有少少腥味，萝卜偏硬冇味。丸、肉……所有食材都冇乜味，好似快速白烚咁，淡然无味。春卷油到狂滴油，有图有真相。泰式奶茶系偏多奶，冇乜茶味。