Chill 輕食300kcal (已搬遷) 新店位置

今日去咗長沙灣嗰邊諗住做完運動去食吓嘢，但係唔想食啲太飽肚嘅嘢，再加上想食得清啲！透過朋友介紹就去咗呢一間又健康飲食套餐嘅餐廳，佢除咗有唔同嘅嘢食之外，佢仲有健康嘅蛋白飲、啱晒呢啲都市忙碌嘅我！開頭我選擇咗牛油果口味嘅蛋白飲，仲有好多蘆薈粒同埋水果啫喱，味道除咗好好飲之外，仲有啲飽肚感！建議大家飲咗杯蛋白飲先再食其他嘢咁會令到消化更加好同埋容易消脂！之後套餐仲有消脂茶，好似花茶咁樣飲好療癒！再加上好靚，好有藝術感！chill輕食主餐為：法式香煎煙鴨胸沙律，配紅米飯！紅米飯你用咗特別嘅方法製作，所以特別好食！而煙鴨胸煎過之後更加香濃、味道自然又美味！沙律亦都用咗新鮮蕃茄等等蔬菜！食落真係營養又美味最鍾意就係蛋同沙律再加粟米羹，淡淡清香！chillfit餐廳長沙灣永康街63號19樓03室開放時間上午12點到下午2點