旺角咖喱大皇 (已結業)

補完習，一定係ｍｋ遊蕩，好耐未食過咖喱，得自己一個又唔想堂食，買番屋企慢慢嘆好過。要左個勿道拿士雞肉，加＄８要埋薄餅，份量好多，一個餸一盒飯，好飽肚。咖喱椰汁味唔重，而且辣度中等，合我心意，咖喱加入大量洋葱，好香口，汁唔會太杰，伴飯一流。雞肉冇骨，應該係雞扒，肉質好滑，有雞味之餘又冇雪味，唔錯。薄餅好普通，冇味，食落有少許硬，點咖喱汁都唔多襯，下次都係唔要。