影片
更多
2022-09-27
319 浏览
遊園，剩係個名都好正，意境一流。呢個餐廳古色古香，第二次來，第一次係因為有芫荽，朋友係芫茜達人，上次見佢推薦才來吃，估唔到原來呢到都有得食傳統中菜，川菜、地道港式食物，一應俱全。先講裏面嘅裝修，牡丹亭真心好有建築美學嘅風格，如果你有機會嚟到，記得一定要欣賞下佢哋嘅裝修。中國菜二次創作，運用世界各國食材及烹調方式，在各款經典粵菜的精髓上重新演繹並活化，以新模樣重現眼前。一系列經典地道小食、明爐燒味及港式小炒一應俱全，「遊園」絕對能夠滿足你對精緻中菜饗宴的追求。 今晚見返一啲好耐冇見嘅朋友，大家一人叫一個菜式，食盡各種唔同嘅美食。先來的焦糖菠蘿黑毛豬叉燒，個樣真心驚喜，黑毛豬叉燒燒得幾好，配合焦糖化左嘅菠蘿，原來口感咁強烈。呢個姬松茸燉野生水鴨湯，認真可以試到餐廳嘅水準好水鴨雖然唔係好大隻，但個種甜度好少見。歌樂山辣子龍蝦，本身朋友話食雞應該好少少，但係佢話一於豪食。濃湯酸菜龍躉球，大碗到一個點。龍躉球有成十幾件，仲要全部都好大件，加上芽菜同寬粉，完全吸收所有酸菜湯嘅味道，可惜唔算辣，酸味應該要重少少。遊園燒鵝，呢個傳統嘅中菜，烤得好好，皮脆肉好嫩。傳統梅菜蒸菜心，勁大條，梅菜才是重點，係
呢個餐廳古色古香，第二次來，第一次係因為有芫荽，朋友係芫茜達人，上次見佢推薦才來吃，估唔到原來呢到都有得食傳統中菜，川菜、地道港式食物，一應俱全。
先講裏面嘅裝修，牡丹亭真心好有建築美學嘅風格，如果你有機會嚟到，記得一定要欣賞下佢哋嘅裝修。
中國菜二次創作，運用世界各國食材及烹調方式，在各款經典粵菜的精髓上重新演繹並活化，以新模樣重現眼前。一系列經典地道小食、明爐燒味及港式小炒一應俱全，「遊園」絕對能夠滿足你對精緻中菜饗宴的追求。
今晚見返一啲好耐冇見嘅朋友，大家一人叫一個菜式，食盡各種唔同嘅美食。
先來的焦糖菠蘿黑毛豬叉燒，個樣真心驚喜，黑毛豬叉燒燒得幾好，配合焦糖化左嘅菠蘿，原來口感咁強烈。
呢個姬松茸燉野生水鴨湯，認真可以試到餐廳嘅水準好水鴨雖然唔係好大隻，但個種甜度好少見。
歌樂山辣子龍蝦，本身朋友話食雞應該好少少，但係佢話一於豪食。
濃湯酸菜龍躉球，大碗到一個點。龍躉球有成十幾件，仲要全部都好大件，加上芽菜同寬粉，完全吸收所有酸菜湯嘅味道，可惜唔算辣，酸味應該要重少少。
遊園燒鵝，呢個傳統嘅中菜，烤得好好，皮脆肉好嫩。
傳統梅菜蒸菜心，勁大條，梅菜才是重點，係最正嘅係菜心真係好靚，綠悠悠，正。
我好多年無食過黃鳝飯，呢到招牌台山黃鳝煲仔飯係做得好好，有強烈嘅紅棗味，鳝好多，而且飯粒分明，呢個絕對不能錯過。
尾聲的桑寄生蓮子蛋茶同西環源記有得對比，勁鐘意呢個唔甜而甘口的味道。
最開心係係一個咁靚嘅餐廳庭園食左餐飯，就好似發左場夢咁，希望下次再來發多一場更好的夢罷，畢竟餐牌上仲有好多嘢我想再試。
张贴
