行到攰攰地又未夠鐘食晚飯
喺The One見到有間幾簡潔既茶飲店又有位坐
就決定坐低同朋友hea下吹水
搭電梯到4樓就會見到
企位，坐位因為有啲人所以無影
大概都有10個座位左右
招牌係水墨風茶飲～🤩
決定叫👇🏻麻糬芋泥茉莉鮮奶綠($39)
職員好細心呀因為我叫嘢飲嗰陣叫咗少甜
佢仲主動問我仲使唔使減少面頭嘅cream同埋冰量
仲有低脂Gelato 雪糕 同蛋糕
登登登登～🎉水墨風麻糬芋泥茉莉鮮奶綠😍
初初睇相仲覺得實物應該冇咁靚
但係一拎出黎我覺得仲靚過餐牌上面張相
芋泥係天然顏色完全冇色素
佢地話要攪勻先飲 咁打開個蓋之後搵支飲筒搞
發現啲芋泥·超·級·多· ！實到就黎攪唔郁🤣
睇吓下面張相就知有幾多芋泥😍
1
攪勻左之後用飲管其實好容易就飲到滿滿芋泥
芋泥味道好好 唔會過甜 係天然既芋頭味
但又唔會蓋淡淡既茉莉花茶香味
比起其他茶飲既芋頭粒/碎(有啲仲好少)既感覺差太遠
係我暫時飲過最滿足最好味既💜芋泥飲品💜
另外仲有粒粒麻糬其實就類似小丸子
多一種口感😋 唔錯唔錯
之後就到蛋糕🍰 日式奶茶蛋糕(飲品加配價$28)
蛋糕賣相都唔錯～ 但係就偏細件
食落去食到有伯爵茶葉碎 淡淡茶香
海綿蛋糕鬆軟但略嫌有啲乾
整體黎講正正常常～ 可能揀芝士蛋糕/ 雪糕會好啲
總括嚟講呢一間嘅主打飲品真係好有驚喜
下次會再嚟試吓其他飲品同埋佢個gelato ☺️
