南山軒 (已結業)

住係元朗咁耐，竟然一直唔知有間咁正嘅餐廳係度，所以，今個星期六必試！兩個人每人點一個午餐，一個流心西多士，一個流心豬排，另加一客炸墨魚餅。飲品方面，梗係試試佢哋嘅冰奶茶，同埋紅豆冰。3樣差不多同一時間上，（全部炸嘢😅)首先睇下點流心法先，一切落豬排入面有芝士同火腿，食入口都夾，不過我唔太鍾意佢用美極醃過....另一個流心西多，同樣地一切開入面有芝士同火腿，食一口好香，因為有芝士，有牛油味，食多幾口就滯咗，（可能我細食），我連糖醬都冇落，最後試埋墨魚餅，呢個好好味，因為d墨魚夠「臭」，😂😂，好有墨魚味，炸皮好薄，好脆！至於兩杯凍飲同樣出色，冰奶茶幾特別，而且好濃，紅豆冰都一樣，好多花奶，冇溝稀，不過d豆硬咗d！