朋友想食中菜, 我又想環境好D, 於是搵到呢間北京老家。由於中餐對於兩個人黎講都係比較難叫餸，所以黎呢度最好人多先可以食多幾樣。
台底下係小魚缸,一邊食一邊睇住小金魚游水都幾過癮。
場內見到不少國內人黎食飯, 應該找回老家的味道吧!
先上台既係醬爆牛肉，雖然鹹左D, 不過牛肉超滑! 好惹味又好送飯。
另一個係茄盒子，原來係煎釀茄子! 未食前一度諗起煎釀三寶既味道, 好彩食落唔係太似。內有豬肉同香菜等混合而成的餡料，炸得好香口, 十分唔錯。
之後主食叫左個牛肉刀削麵。牛肉同醬爆牛肉既味一樣(早知點另一個),所以都係好好食既。成碗麵勁大碗, 兩個人食唔曬。
總體黎講都味道都幾唔錯, 下次再食下其他先。
