詩餅坊

营业中

休息中

呢一间甜饼舖头喺西环都相当之出名，啱啱朋友经过，就买咗两件俾我试吓味啦。一款系红桑子，令一款系石板街朱古力。睇甜品嘅外表就知道手工有几精致，石板街朱古力上面铺上好多棉花糖，而棉花糖上面配有脆皮朱古力，甜品师傅冇用到朱古力酱，令到甜品嘅卖相维持得非常完好。食落去朱古力味都几重，而且唔会太甜太流，不过我就嫌中间内层冇乜层次感。另一款红桑子就相对地比较清新少少，挞上既摆放都相当考究，唔会话食完一粒其他就跌晒落地下。呢款挞点中间有一层吉士酱，几好味！但个牛油挞皮呢就有少少太干身，食完就需要饮啖水啦！总括来讲，都系一间有水准嘅西饼店。