當文歷餅店 by Dominique Ansel (已結業)

之前有聽過呢間餅店好出名，仲充滿特色感，好有香港特色，有菠蘿包、檸檬茶、通心粉等等嘅造型蛋糕。菠蘿包 - 椰子熱情果蛋糕 $62充滿香港特色😍切開菠蘿包，外層係椰子慕絲，中間夾住既厚片牛油係海鹽味的馬斯卡彭 (mascarpone) 忌廉及菠蘿青檸熱情果果醬。忌廉軟滑，食落全都係熱情果味道🤭紙包檸檬茶 - 伯爵茶佛手柑蛋糕 $65檸檬茶🍋外層紙包檸檬茶係白朱古力，內層係伯爵茶馬斯卡彭慕絲，配以佛手柑奶酪、杏仁餅及脆片餅乾 ，味道較甜。