瀰月屋 (已結業)

天后區係一個相當邪惡嘅地方，每一次到來用餐都要我捧著飽肚子離開，尤其係清風街一帶，到左夜晚實在相當熱鬧，而開張未夠一個月嘅日式甜品屋瀰月屋，其極富日本昭和年代裝修格局，已吸引不少人到來一試，而甜品款式多以和菓子類為主，味道雖未令人回窮，意念在香港屬較少見，想體會舊式京都風情的話，值得拜會一下。好多朋友都知和菓子係甜到漏的，非甜魔的話絕對受不了，未知小店老闆係唔係想香港人能夠更接受，所以刻意將甜度減低，效果優劣與否，見仁見智，但對我來講係幾滿意的。而且呢度各類甜品造型相當吸引，有部份更係玩味十足，實在好適合一班朋友飯後到來。