麥當勞 (沙角商場)

营业中

休息中

呢間麥當勞位置幾方便，一出沙田圍站，上天橋沿住直行就到。裡面仲有洗手機同埋自助冷熱水機。叫咗一個開心樂園餐，麥芝蛋包&細薯條&熱朱古力&玩具 $28雖然坐得好近出餐區但都叫咗送餐服務試下好快就送咗上黎，Staff仲幾有禮貌！有親子會會員卡，但要買夠$30先用到。所以順便試埋新出嘅焙茶Oreo麥旋風$17.5。親子會真係好抵食！夠$30可以揀要細薯條、中汽水、熱朱古力任何一款。自從做咗親子會會員，食麥當勞嘅次數大增😂。最後我揀咗細薯條，一個人食有兩包細薯條咩都夠飽。個焙茶Oreo麥旋風雖然賣相差咗啲，但茶味都濃，感覺上無一般嘅麥旋風咁甜叫得開心樂園餐，梗係貪佢個玩具啦唔想要玩具仲可以換圖書，都幾有教育性。唔難砌，細細個攞返Office做擺設啱啱好。