影片
更多
2009-03-26
91 浏览
相信文章上版之日，阿火同太太已经到步，面对人生新一页，衷心祝你两有愉快既生活．从马来西亚返港，知道阿火仍未上机，急急脚相约来一个践行饭．地点当然由阿火发办，而Mabel亦提出此店口碑不俗，就即call成局，四人占了近门的火锅台，倒见阔落．Mabel二话不说，先指明要事头婆炒面（乜唔系豉油王炒面咩？）原来全间店得事头婆炒得最好．事头婆炒面：果然镬气够，面干身又香口，唔觉油腻，至少食完只碟都无乜油．比起东宝更好.啫啫鸡杂：热辣辣上台，又系香口野，鸡杂加左酒一齐炒，带有丝丝酒味，鸡肾又爽口又有咬口，鸡肝嫩滑软糯，再呷啖啤酒，一流．椒盐鲜鱿：真系估唔到浆粉可以做得咁薄，可以讲大部份酒楼都做唔到，好野．椒盐竹肠：有人提过系粉肠，都唔理得咁多，外脆内软，又系一道好多地方食唔到既菜．椒盐濑尿虾：事头婆讲笑话系懒人濑尿虾，因为全部已经起壳，每一条都系净肉，真系名副其实’啖啖肉’，而且好多都带膏，好香．梅菜蒸肉饼：阿嫂指定菜色，肉质唔多觉有太多师傅，个人觉得唔够肥肉，有就仲正．响螺瑶柱炖鸡脚瘦肉汤：汤色清澈但味香浓，入口顺滑．姜汁炒芥兰：好少出错既菜，最重要系菜本身够鲜嫩，至少呢点做到．埋单一人百五，以
从马来西亚返港，知道阿火仍未上机，急急脚相约来一个践行饭．
地点当然由阿火发办，而Mabel亦提出此店口碑不俗，就即call成局，四人占了近门的火锅台，倒见阔落．
Mabel二话不说，先指明要事头婆炒面（乜唔系豉油王炒面咩？）原来全间店得事头婆炒得最好．
事头婆炒面：果然镬气够，面干身又香口，唔觉油腻，至少食完只碟都无乜油．比起东宝更好.
啫啫鸡杂：热辣辣上台，又系香口野，鸡杂加左酒一齐炒，带有丝丝酒味，鸡肾又爽口又有咬口，鸡肝嫩滑软糯，再呷啖啤酒，一流．
椒盐鲜鱿：真系估唔到浆粉可以做得咁薄，可以讲大部份酒楼都做唔到，好野．
椒盐竹肠：有人提过系粉肠，都唔理得咁多，外脆内软，又系一道好多地方食唔到既菜．
椒盐濑尿虾：事头婆讲笑话系懒人濑尿虾，因为全部已经起壳，每一条都系净肉，真系名副其实’啖啖肉’，而且好多都带膏，好香．
梅菜蒸肉饼：阿嫂指定菜色，肉质唔多觉有太多师傅，个人觉得唔够肥肉，有就仲正．
响螺瑶柱炖鸡脚瘦肉汤：汤色清澈但味香浓，入口顺滑．
姜汁炒芥兰：好少出错既菜，最重要系菜本身够鲜嫩，至少呢点做到．
埋单一人百五，以水准而言系合理．
ｐ．ｓ：个位啤酒女郎好搅笑，大家未坐低已经虎视眈眈，阿火唔好意思要左一枝，我地之后都即转其他啤酒，（因为两者相差近一倍），佢依然死缠烂打，系要人拒绝佢至得，又何苦呢？
阿火．．．你第一次出openrice聚会系同我食，唔知临走前一餐又系唔系？
张贴
