影片
更多
2015-12-02
457 浏览
很喜歡西班牙，西班牙的熱情，塞爾特的特色，獨特的美食，色彩繽紛的建築。因為情迷，所以特別喜歡食西班牙菜。巧遇朋友同我講，屋企附近開咗一間好特別嘅西班牙菜我當然唔會執輸要來試吓啦！去到門口已經覺得呢一間小店十分有特色，門面開揚，有對住街道嘅窗台位置，我當然一定會揀呢個位啦，佈置簡單用上彩色嘅階磚做餐枱，配上原木，別具特色！當日係星期二已經好full，坐低就麻煩左店員為我地準備食物！我好鍾意要求餐廳為客人選嘢食，因為佢哋會按返客人嘅要求同感覺而選擇一啲佢哋覺得適合嘅嘢食，就好似玩配對一樣，更覺獨特，更加有驚喜！先來到嘅就係 Chica's沙律用得舖頭名命名嘅野食深信都絕對係招牌菜啦，用上我最鍾意嘅蔬菜紅彩頭做主角，配上洋蔥車厘茄青瓜生菜等等嘅材料，同埋帶少少酸嘅醬汁，美味滿分！而且顏色都特別吸引不過我覺得好奇怪嘅就係唔知點解呢一度食嘅紅菜頭會甘甜嘅？咁清甜嘅紅菜頭真係好少食到！接住就係每一次我細食西班牙菜都一定唔少得嘅火腿比堅尼，塗上牛油煎香嘅麵包夾著惹味鹹香的西班牙火腿和芝士，雖然簡單，但富有西班牙特色！係呢個時候點少得就係配返杯酒啦，我叫左個sparking wine ，由於我對酒類產
很喜歡西班牙，西班牙的熱情，塞爾特的特色，獨特的美食，色彩繽紛的建築。因為情迷，所以特別喜歡食西班牙菜。
巧遇朋友同我講，屋企附近開咗一間好特別嘅西班牙菜我當然唔會執輸要來試吓啦！
去到門口已經覺得呢一間小店十分有特色，門面開揚，有對住街道嘅窗台位置，我當然一定會揀呢個位啦，佈置簡單用上彩色嘅階磚做餐枱，配上原木，別具特色！
當日係星期二已經好full，坐低就麻煩左店員為我地準備食物！我好鍾意要求餐廳為客人選嘢食，因為佢哋會按返客人嘅要求同感覺而選擇一啲佢哋覺得適合嘅嘢食，就好似玩配對一樣，更覺獨特，更加有驚喜！先來到嘅就係 Chica's沙律
用得舖頭名命名嘅野食深信都絕對係招牌菜啦，用上我最鍾意嘅蔬菜紅彩頭做主角，配上洋蔥車厘茄青瓜生菜等等嘅材料，同埋帶少少酸嘅醬汁，美味滿分！而且顏色都特別吸引不過我覺得好奇怪嘅就係唔知點解呢一度食嘅紅菜頭會甘甜嘅？咁清甜嘅紅菜頭真係好少食到！
接住就係每一次我細食西班牙菜都一定唔少得嘅火腿比堅尼，塗上牛油煎香嘅麵包夾著惹味鹹香的西班牙火腿和芝士，雖然簡單，但富有西班牙特色！
係呢個時候點少得就係配返杯酒啦，我叫左個sparking wine ，由於我對酒類產品認識唔算深，個名好似叫cAVA , perelada小小甜，很易入口亦都很適合配搭西班牙tapas Li 啲比較鹹香嘅食品.
接着我哋仲叫咗個令人好驚喜嘅西班牙蛋餅，驟眼睇呢個蛋餅大概喺我個手掌大多少少啦！蛋餅圓轆轆而且好金黃。
蛋餅用上洋蔥和蘇巴沙腸做餡料。好厚身，煎到外帶金黃，內帶點點流蛋汁的感覺，蛋餅上邊配上少少嘅醬汁做調味，食落去口感結實豐富！唔好以為呢個蛋餅細細件但係食完佢之後就好似食咗一大碗飯咁飽咖！絕對唔可以輕視呢個餅！
最後唔少得嘅當然有係一個簡單得來好考功夫嘅西班牙油炸鬼啦
呢一個油炸鬼灑上砂糖食嘅時候配上濃郁嘅朱古力而Chico chica 嘅西班牙油炸鬼特色就係奉上左少少嘅咖啡雪糕, 令到整個傳統甜品來得更加有特色！除此以外呢度嘅朱古力醬亦都用上比其他餐廳特別嘅mocha 朱古力醬 ，而且油炸鬼整得比較細件，食嘅時候能點更加多嘅香濃朱古力醬！呢度嘅食物雖然看似簡單，能夠保留西班牙菜食嘅傳統卻很傳統中發揮創意，能傳譯出西班牙多姿多彩色彩繽紛嘅感覺，配合呢一種舒適享受嘅環境，希望佢哋面前面嘅道路工程快啲完成！等我下次嚟嘅時候更加能夠望住街景享受一番！
下年十月我都會去到西班牙一趟，喺未能夠親身去到感受這個鐘愛嘅國家之前，睇嚟我都要多啲嚟到Chico chica 啦！
张贴
