火鍋先生 (已結業)

厚福街H8 勁多好食嘅餐廳，近排朋友生日，我哋決定去嗰頭搵間好嘅餐廳慶祝佢生日，朋友超級鍾意食打邊爐，所以見到有呢間就決定試吓。 呢到坐得好舒服，整體環境都佈置得好睇，梳化位都唔少。講明慶祝生日，當然要叫豪d啦！ 雖然本來話想食打邊爐，但係去到見到隔籬枱叫啲嘢都好吸引，所以我哋都叫咗啲。首先就係𩶘魚雜錦刺身，超級大盤，打卡一流！至少六種款色，仲要有埋成條魚喺度，超級新鮮！食開魚生有個癮，所以加單叫埋個象拔蚌刺身（$888起）。勁大碟，擺盤都超靚！象拔蚌好脆口，又鮮甜！但係最令我驚訝嘅，係碟椒鹽咸蛋黃大蝦 $108！每一隻蝦都好爽口，加埋鹹蛋黃已經夠邪惡㗎喇，仲要係椒鹽，真係食一隻都上癮，搞到我哋兩個人密密食，好快就K.O.咗成碟！