群記清湯腩 (已結業)

星期五食完群記, 確是意猶未盡, 星期六做到成九點, 想帶女友去一試, 點知去到十點幾已全部售罄.想食一定要食到, 星期日再去已是下午六時, 諗住實有得食, 侍應姐姐話得番最後三碗, 若果唔要, 就讓比出邊排隊果位.當然打死都要, 今次學精左, 牛腩要伊麵. 本來話無爽, 好彩都拼左少少比我地兩碗. 女友一試過湯都話好味, 但佢對一些軟軟地都食物不太喜愛, 結果佢碗爽都係益左我, 連碗湯都比我飲埋.最後一位食客來到, 知道無乜牛腩都要, 結果舖頭併左D 牛脷比佢.侍應姐姐同果位熟客講, 群記要休息十日. 細問之下, 原來全舖一齊去旅行, 利害.睇報導佢地正想細舖換大舖, 生意咁好, 睇黎擴張之期不遠了.