德膳壽司 (已結業)

從網上得知上環"德膳壽司”，且有好多好評，所以我同幾位同學就去試下。我一早book定位，去到已人氣旺盛。我地最鍾意食刺身，所以我地點了甜蝦，蝦肉晶瑩通透，非常新鮮；北寄貝，象拔蚌等，亦好有口感，好爽甜;另壽司都係即叫即做，連火炙款式都有，如赤身醬油漬，岩鹽左口魚邊，海膽黃金蝦，芝士皇帝蟹棒等，款款賣相精緻，但D飯就大舊左;而我最愛嘅燒炸物亦做得非常出色，如鹽燒牛舌，燒得好香，唔靱，多春魚，魚肉新鮮，燒有機菠蘿，好甜，非常Juicy,廣島焗蠔，外面燒得香脆惹味，香氣四溢，不過火，有水準😄最後，食埋D甜品就啱啱好，各方面都不錯，偶然落單數量有多少出入，但都可以接受，值得一試