辣得棧海鮮火鍋專門店 (已結業)

紅磡海鮮手工火鍋店今日去紅磡搵返個舊朋友聚聚舊，佢帶左我去試新開既紅磡海鮮手工火鍋店。食材超新，鮮魚真係係水缸撈出來即劏，好少咁有心既火鍋店。 環境非常新淨，座位及走廊空間都好闊落。餐廳好光猛及整潔。茶芥$15位，九宮格醬料超多選擇賣相吸引、有辣椒、蒜、蔥、莞茜、等。店員服務態度非常好，坐低後詳細介紹餐廳招牌及特式湯底等，店員亦不時過來查看鍋底是否需要加湯及調較火力。自選優惠套餐 $588 (招牌湯底+豬肉類(3選1)+手打丸類(8選2)+海鮮類(3選1) +時蔬類(8選2))我地叫左澳門豬骨鍋，另外還有玫瑰薰衣草牛乳鴛鴦鍋/重慶鮑魚雞煲選擇。看豬骨湯既色澤已知該店煮了很多個小時。湯底勁濃厚豬骨精華，仲加入大量的粟米與蘿蔔，飲落好清甜，飲完一定好補骨膠原。碟碟火鍋料都好大份，非常豐富。豬肉類我地選了美國雪花梅肉片看梅肉片色澤紅白分明，非常新鮮。煮熟後，非常有牛味，油香十足。份量超多。手打丸類選了手打花枝丸、黑松露墨魚丸好滑、好彈牙、好有黑松露同花枝味。煮熟後，非常爽口。海鮮類選了中山脆鯇片魚片非常新鮮，肉質呈透明奶白色白裡透紅。煮熟後，魚片非常爽口脆身。唔算太多骨，好正。時蔬類選了西洋