爆辣冷麵

营业中

休息中

睇唔出呢間野鋪頭細細，原來啲野食又幾好味😂重點係，夠辣🤪．👅 爆茜冷麵（小辣）其實叫小辣都好夠嫁啦😂第一次食嘅朋友可以叫個微辣先😎多茜之人見到會好興奮😆勁多茜，又勁多蟹子，食落脆卜卜，撈埋辣麵一齊食都夠晒飽😌．👅 賽螃蟹杯麵好搞笑呀，係真．杯麵😂唔好睇佢得個杯，其實份量都超級夠，同埋都可以揀辣度🚨面頭有少少蛋白，加埋粟米🌽同西蘭花🥦，一杯杯咁食又幾過癮😝．👅 招牌蟹籽沙律食麵得到飽飽地呢個蟹籽沙律絕對可以reset 係🤣好足料嘅沙律醬同爽脆青瓜絲都好正，加埋面頭嘅蟹籽，係食落更有口感．👅爆辣哥斯拉雞翼又一玩命之作，諗住試下佢有幾辣🤣🤣🤣🤣果然真係好辣，但我都接受到，雞翼好夠淋，加埋個辣醬熱辣辣咁食，勁過譚仔大辣🙂．👅爆辣雞軟骨意想不到嘅香口同惹味😜雞軟骨炸到岩岩好，外面有層脆脆地，入面仲有軟骨個種咬口，而且份量又夠，抵食！．👅 袋仔麵好有兒時回憶！諗返以前中學放學一定要食一包咁重口味嘅撈麵（不小心透露年齡系列☺️）係好重嘅蒜味，咸咸地又有啲蠔油味，加埋腸仔同蟹柳，好開心呀😍．👅 爆辣油生蒜成樽買返屋企慢慢炒菜食，估唔到又幾香，重點係佢勁香蒜味😜無揀錯！