譚仔雲南米線 (牛頭角下邨廣場)

係牛頭角返工咁耐，都係第一次食，皆因實在太多人等位，午餐長期門口逼滿人。

今日遲咗食，見無咩人終於可以試下，例牌墨丸腩肉酸辣。

由於唔記得呢間唔係三哥，所以就出事了，呢間啲酸辣係唔多酸，但就好夠辣，食到眼水都標埋，下次都係清湯好啲。

墨丸都算大粒，腩肉份量多，配菜又係好多，所以食一碗係好飽飽，幸好無叫小食，如果唔係就浪費了