更多
2020-07-25
4231 浏览
上两次食Mini Friday 已经系一年前既事，两次都系同事请食lunch buffet，当时已经觉得buffet 黎讲质素唔错。早排经过朗豪坊附近，突然心血来潮，同朋友上左去银坊广场再战Mini Friday! 不过真系第一次试佢既晚餐，而且上两次都系喺观塘食，今次算系试菜之旅 😋一出lift 就见到佢大大个招牌，𠮶阵仲未有六点后禁令，入面系高朋满座。由于唔想打扰到其他食客，所以冇影到室内嘅setting，不过都系西餐厅嘅设计，带点昏暗。餐厅提供左好几个餐牌，可以点晚市套餐，或者散叫每一道菜，仲黎个抗疫餐牌，非常有创意😂 我同朋友最后都系点左 set dinner，因为比较抵食，有前菜、餐汤、主食同埋加$1 换到既甜品！另外，本身一入到黎，枱上面已经摆左一盘玉米脆片，类似墨西哥Nachos 🇲🇽 我地试左几块，口感带点脆，亦都有玉米片嘅味道，不过我地废事食太饱品尝唔到个dinner set，所以只系小尝数口。好快店员就呈上左沙律同餐汤，田园沙律嘅主要材料有生菜、粟米🌽同蕃茄🍅，清新可口。沙律酱汁酸酸甜甜，都几开胃。餐汤方面系罗宋汤，汤料系传统采用嘅薯仔🥔、红萝卜、芹菜/杂菜等等。我
一出lift 就见到佢大大个招牌，𠮶阵仲未有六点后禁令，入面系高朋满座。由于唔想打扰到其他食客，所以冇影到室内嘅setting，不过都系西餐厅嘅设计，带点昏暗。
餐厅提供左好几个餐牌，可以点晚市套餐，或者散叫每一道菜，仲黎个抗疫餐牌，非常有创意😂 我同朋友最后都系点左 set dinner，因为比较抵食，有前菜、餐汤、主食同埋加$1 换到既甜品！
另外，本身一入到黎，枱上面已经摆左一盘玉米脆片，类似墨西哥Nachos 🇲🇽 我地试左几块，口感带点脆，亦都有玉米片嘅味道，不过我地废事食太饱品尝唔到个dinner set，所以只系小尝数口。
好快店员就呈上左沙律同餐汤，田园沙律嘅主要材料有生菜、粟米🌽同蕃茄🍅，清新可口。沙律酱汁酸酸甜甜，都几开胃。
餐汤方面系罗宋汤，汤料系传统采用嘅薯仔🥔、红萝卜、芹菜/杂菜等等。我估系有放到肉类熬制，因为餐汤鲜味十足，仲好似带点奶油味，香浓细滑。
首先出炉嘅系朋友点嘅DIY 意粉餐（价值$158），我地拣左黑松露忌廉汁配鸡柳扁意粉🍝 我地另外加左$20 追加烟三文鱼，份量都几足，抵食又好味 👍🏻
由于我同朋友都系黑松露爱好者，佢既酱汁好合我地心意，香口味浓😋 鸡柳味道唔错，食落几嫩滑，而且好足料，啖啖肉～
意粉烹调时间岩岩好，软硬适中，弹牙既口感得以保存，勾起左我地喺意大利食意粉嘅回忆🇮🇹
最后介绍下个烟三文鱼，三文鱼处于半熟状态，口感依然系嫩滑，带有咸香味。三文鱼既油脂感虽然冇咁饱满，但微微溢出鱼油香，系另一种风味。
后来我点既碳烧纽西兰牛肉眼扒（价值$258）都到左～ 炭烧过既牛扒离远已经闻到阵阵香味，牛扒表面虽然烧熟左，但里面仲系处于五成半熟既状态，口感真系非常juicy！
其实我地食嘅途中有个小插曲，由于朋友觉得牛扒中间太生，所以我地好唔好意思地叫左店员帮我地拎入去再煎熟啲。店员非常乐意，二话不说就帮我地拎左入厨房，出返黎仲重新摆盘，令我地觉得好窝心👍🏻☺️
继续介绍牛扒，牛扒既脂肪分布非常均匀，咬落不但嫩滑，而且肉汁四溢。
旁边嘅黑松露薯蓉唔单止香滑味美，仲有助清减食客口腔内既油腻感，咁就可以慢慢细味呢块碳烧牛肉眼扒🔥🥩。
最后呈上嘅系$1 换购嘅甜品，chocolate brownie~ 本身仲好担心会因为好饱而食唔落，点知呢道甜品非常小巧，朋友称之为「一口糕」，因为真系可以一啖食完 😂 brownie 甜甜地，带点朱古力既苦涩味，口感松软。当时我地挂住食，竟然唔记得左影餐饮，分别系冻柠茶同埋可乐，呢两样咁大众化嘅野饮就唔多作介绍 😛🥤🍋☕️
总括而言，餐厅气氛热闹，食物质素亦都满意～ 店员既服务态度亲切，等疫情消退之后，要再带朋友去试其他菜式。
张贴
