Give Me 5 (已結業)

疫情之下， 所有事情都停摆咁，连出街食饭都变得罕有， 今日好想同朋友仔轻松一下，吹下水、打打气， 观塘附近就搜寻咗呢间give me 5， 令到整个晚餐变得好励志。呢度嘅空间好大而且座位宽敞， 亦有桌球枱畀人玩， 感觉都好relax。入到去嘅时候店员已经好有系统咁招呼我哋，呢度有自助式任食同半价西餐， 我哋真系要争取时间好好交谈，所以拣咗西餐。头盘好丰富有虾沙律，啲虾好爽， 配上大量沙律菜及洋葱， 食落去有少少微辣， 配上千岛酱，十分醒胃。热辣辣罗宋汤， 味道都好浓，但系又唔会好酸， 不落去都仲见到有好多蔬菜， 有咬口。 加上热哄哄嘅蒜蓉包，加分。主菜嚟啦斧头猪扒配玉米糕，超大块， 斧头扒出面卖都要三四百蚊一块， 而且佢有番咁上下厚度，自己整又会怕入面唔熟， 而家半价就食到， 真心觉得好抵。 讲返块扒肉质好林，加上苹果蓉黑醋酱减低油腻感，味道好夹。食咗块扒已经好饱， 好在叫咗个茄汁底嘅炸软壳蟹烟肉卡邦尼意粉， 每条意粉都沾上茄汁，食落去唔太腻。最后仲有朱古力慕丝及芝士蛋糕，加上我最爱嘅zero,大满足。值得一捉呢度嘅服务生都好殷勤、有礼貌， 整晚嘅感觉非常良好。