雨林軒

营业中

休息中

做完野同朋友去灣仔食個Tea, 就入咗呢間雨林軒，成間餐廳以黑色為主，可算是「型格的茶記」😂朋友叫咗個「蘋果粟米沙律配吉列豬扒」（ $40 ）下午茶餐，我就叫咗個「黑松露瑪蘇里拉焗蝦球蟹柳焗意粉」（ $50 ）。雖然是下午茶價錢，但係我覺得個意粉份量冇小到，面頭有一堆黑松露，芝士味唔算好濃郁，有幾隻蝦同蟹柳，意粉硬度剛好，我加$8轉餐飲做雜果賓治，似凍利賓納加咗雜果，偏甜。朋友嘅下午茶餐都幾吸引，蘋果粟米沙律有大量沙律醬，而吉列豬扒都好大塊，唔會炸得太乾，脆卜卜都幾好食嘅。