亞金南洋茶室 (新都城中心二期) (已結業)

亞金好似好多商場都有分店，今日又係樓下食個輕食先去游水，下午茶都有個類似肉骨茶既野，叫做一字骨，我改左用米粉底，湯底都係有啲藥材味，餸都唔少架雖然係下午茶😂，不過其實最好味係啲芽菜，又夠粗又夠爽口仲要夠入味添、另外我叫咗個魚片頭喇沙滲滲，喇沙湯底用咗好多椰奶，雖然係好香但係飲完個湯好有罪惡咁🥲，哩碗相對啲餸比較少，下午茶來講個份量叫做OK啦。