美味佳 (已結業)

有人話一定要食麵，咁咪搵麵食，搵到呢間晏晝賣車仔麵。以前夜晚都食過好多次，不過淨係食串燒囉，串燒好正架。點知車仔麵就...嗌左豬大腸、豬皮蘿蔔同魚皮餃跟油麵。點知阿姐話無豬大腸，咁咪是但嗌雞翼。原來雞翼係燒雞全翼。哇，正啦，呢度最出名食燒雞全翼，超好食，但今次我呢隻翼真係奇瘦 😃 無幾耐就嚟麵，下，搭左一大舊湯豬骨，少少嚇親，翻幾下又有雞肉，又有雞腎，肉質都好腍，okay嘅。不過最驚嚇嘅係仲有三塊薯仔皮，同頭髮 😱😱😱 十個驚，唔乾淨又核突。凍奶茶又好難飲。奶仲多過茶 😣因為坐近廚房出菜窗位，食食下唔知阿姐搞乜，彈左D熱湯落我度，嚇鬼死，好彩無毀容。😰十個驚，都係夜晚先食串燒啦。車仔麵就唔洗預我勒。