香港永年車仔麵茶冰廳

营业中

休息中

沙田新城市廣場食肆林立, 中西俱備, 今晚好想食車仔麵, 永年係歷史悠久嘅車仔麵, 門面懷舊嘅擺設, 叫人有回憶童年時嘅感覺, 開放式嘅座位安排, 令人感覺休閒。永年大碗麵粗麵真係零舍有質感, 材料非常豐富, 豬腸肥美, 清潔得好乾淨, 幼滑得嚟煙韌又彈性。魚蛋, 豬紅, 豬皮, 蘿蔔, 魷魚全部都係車仔麵嘅配搭食材, 全部都好入味。還有雞翼, 雞翼尖和紅腸等, 真係份量十足。男神麵幼麵同樣彈牙, 牛柏葉和牛肚夠爽脆, 牛腩腍滑入味, 牛丸爽口彈牙, 還有肥美嘅豬腸, 有齊車仔麵嘅神髓。煎釀三寶有釀青椒, 釀涼瓜和釀豆卜, 熱辣辣好香口。紐西蘭肉眼扒鐵板上桌, 五成熟熱辣辣香噴噴, 肉眼扒好厚身, 肉質腍滑有牛味, 肉汁豐富, 點埋蒜蓉汁就更惹味。配埋酥皮忌廉湯, 還有脆口嘅炸麵, 份量好足夠。飲品係菠蘿冰和抹茶紅豆冰, 冰涼又解渴。