因為食店面積不大，我通常都會幫趁外賣，午餐必定選豬紅牛腩米線，喜歡豬紅夠爽，牛腩夠淋，仲通常係筋多過腩添。
之後華貴街市關門大吉，好高興得知老闆在香港仔另起爐灶，開了這間永發車仔麵。雖然依家位置同住處有段距離，少左幫趁，但偶然一次尋回昔日味道，都可以滿足吓心癮。
我之所以麻麻地車仔麵，係因為覺得坊間車仔麵啲料好似魚旦，豬皮，雞翼，紅腸咁，都係普通食材，無乜特別，最最重要係通常食完都唔係好夠飽。
但試過永發車仔麵覺得腩汁湯夠香，筋夠滑，肉夠淋唔癡牙，豬紅咬落又爽口，仲有幾片生菜送，最最重要係食得飽我喎，加個凍檸茶就perfect喇。（以前喺華貴嘅份量係普通裝湯嗰隻外賣兜，我都覺得夠飽喎，依家仲加大左添。
）
