影片
更多
2016-03-22
775 浏览
利源西街又短又窄，通常只會見到雜貨檔攤，其實兩邊鋪位都有幾間餐廳，只係畀排檔遮住左，所以有點隱蔽。除左打工仔私竇瑞士咖啡室，最近新開左間格調越式粉店，不過可能位置問題同撞正weekend，店內冇咩客，幾乎包場咁滯。大部分座位都係bar枱位，可以望下師傅煮麵。點菜方式就好似食車仔麵，先選基本配料，有生熟牛柳（$68）、特級（$78，有牛肉、牛丸、牛筋、牛柏葉、牛展、扎肉）、至尊（$88，特級的材料，另加牛腩、牛尾）。再選麵的種類（河粉、金邊粉等）、調味香料（芫茜、炸蒜、金不換等等），嫌仲未夠豐富，仲可以加錢選各款牛配料。一場來到又唔知有冇下次，就試最頂級的至尊啦，再配河粉、炸蒜、芽菜、洋蔥、蔥。每個座位有一碟仔辣椒同青檸，可以自行調味。上菜的時候難免要影兩張相，但都唔係影得耐吖，影完呷啖湯，點解唔熱嘅？溫溫吞吞的感覺食得不是味兒。湯底偏深色，但飲落又唔太濃，仲幾清甜，如果熱d應該更好。牛的配料有好多種，一個人食晒都幾飽。牛柳竟然有點韌，亦欠缺肉味，反而牛尾同牛𦟌肉質軟滑，肉味濃郁（所以應該點至尊），至於牛筋、牛丸、牛柏葉等等，都係預期中的質感，唔算突出。河粉幼身之餘都算滑，加埋芽菜、炸蒜
除左打工仔私竇瑞士咖啡室，最近新開左間格調越式粉店，不過可能位置問題同撞正weekend，店內冇咩客，幾乎包場咁滯。大部分座位都係bar枱位，可以望下師傅煮麵。
點菜方式就好似食車仔麵，先選基本配料，有生熟牛柳（$68）、特級（$78，有牛肉、牛丸、牛筋、牛柏葉、牛展、扎肉）、至尊（$88，特級的材料，另加牛腩、牛尾）。再選麵的種類（河粉、金邊粉等）、調味香料（芫茜、炸蒜、金不換等等），嫌仲未夠豐富，仲可以加錢選各款牛配料。
一場來到又唔知有冇下次，就試最頂級的至尊啦，再配河粉、炸蒜、芽菜、洋蔥、蔥。每個座位有一碟仔辣椒同青檸，可以自行調味。上菜的時候難免要影兩張相，但都唔係影得耐吖，影完呷啖湯，點解唔熱嘅？溫溫吞吞的感覺食得不是味兒。湯底偏深色，但飲落又唔太濃，仲幾清甜，如果熱d應該更好。
牛的配料有好多種，一個人食晒都幾飽。牛柳竟然有點韌，亦欠缺肉味，反而牛尾同牛𦟌肉質軟滑，肉味濃郁（所以應該點至尊），至於牛筋、牛丸、牛柏葉等等，都係預期中的質感，唔算突出。河粉幼身之餘都算滑，加埋芽菜、炸蒜等等味道同口感更加豐富。
越南粉以外都有小吃供應，例如炸雞、越南春卷、雞翼等。我想試有點特色的，就叫左炸蝦卷（$36）。外衣炸得又鬆又脆，質感輕如無物，感覺冇咁油膩。裡面係蝦肉同蝦膠，不過唔算多。炸蝦卷可以配沙律醬或甜酸汁食，個人覺得甜酸汁好d，可以中和油味。
值得去指數：
张贴
