翠林辣蟹舫

前排睇電視，見到蕭正楠介紹呢間餐廳嘅避風塘炒辣蟹好似幾正，仲要有半價，所以專登book枱過嚟試下。餐牌半價小菜嘅選擇都有好多款式，店員仲話佢地會不時更新優惠菜式😀
🥢避風塘炒蟹 - 必點招牌菜，賣相好靚，炸蒜帶少少辣非常惹味，蟹肉鮮甜，$344好抵食，呢個size兩個人食份量剛剛好，另外仲有幾款口味可揀，款款都好吸引。
🥢避風塘牛肋肉 - 幾有新意嘅做法，牛肋肉好重牛肉味，送啤酒一流！
🥢香辣土豆絲 - 雖然切得好絲咁幼，但仍然好爽口，味道帶辣，非常醒胃。
🥢黃金流沙蝦球 - 蝦球真係好大嚿好彈牙，配埋沙律食口感豐富，好驚喜！
今餐兩個人食咁多野埋單都唔駛$800，平時一隻避風塘炒蟹都起碼要六百幾蚊啦，我覺得有呢個質素真係好抵食！難怪有咁多明星嚟捧場啦！

黃金流沙蝦球

避風塘炒辣蟹

炒土豆絲

避風塘牛肋條