影片
更多
2000-09-04
21 浏览
周六休息..都好耐未試過一整天都咁得閒囉~咁o岩版友apple 想去鴨琍州的joyce warehouse 掃o下貨..又話想去香港仔搵o下食~ 好無厘頭在周末組成o左個"周末狂熱飲食份子.." 成員有LAI,S,apple,apple男友Frankie同fashion 版老友OIR~一個下午都行得晒的joyce warehouse ~有三個空手回包括小弟~見到件costume national 恤幾靚$300 一件但係..........都係無買到~六點幾坐的士回到銅鑼灣...途中遇著個健談的士佬~ 大講扒王之王點唔掂......又或舒淇個咀似.......(想知答案icq 講~)總之笑到你死.去o左time square 的double park 行o左陣~~ 除o左Carhartt o岩我,其他都係無咩興趣~~講o左一大論同食無關的廢話後...開始入正題囉...四條友搭叮叮入跑馬地食dinner...但係在叮叮撞到趙x卿的前男友Walter Hau~~~~~~我地今次就係去在山光道開o左無耐的"Le Rendez-Vous" ，行過"Green Spot" 真係想入去打個轉先但係
一個下午都行得晒的joyce warehouse ~有三個空手回包括小弟~
見到件costume national 恤幾靚$300 一件但係..........都係無買到~
六點幾坐的士回到銅鑼灣...途中遇著個健談的士佬~ 大講扒王之王點唔掂......又或舒淇個咀似.......(想知答案icq 講~)總之笑到你死.
去o左time square 的double park 行o左陣~~ 除o左Carhartt o岩我,其他都係無咩興趣~~講o左一大論同食無關的廢話後...開始入正題囉...
四條友搭叮叮入跑馬地食dinner...但係在叮叮撞到趙x卿的前男友Walter Hau~~~~~~
我地今次就係去在山光道開o左無耐的"Le Rendez-Vous" ，行過"Green Spot" 真係想入去打個轉先但係我地身份低微...都係睇下好喇~~唉...
位置唔難搵在山光道行入奕蔭街就望到.~但係奇在是日周末都人影都無隻,~?? 我地19:45去到都係得我地一檯客,~周末狂熱呢度搵唔到wor~
呢間o野係做法食薄餅,小食三文治等等~在士丹頓街做到響晒朵
入到去有個唔知係咪來自法蘭西的俊男同一個肯定係來自法蘭西的女子招呼~店內播緊"air" 的音樂.......真係好重法國feel..除o左無施丹個地中海,巴夫斯,拿保夫個光頭~...
四條友都點o左一個類似菴列的物體~不過唔係蛋,而係用蕎麥做出黎的皮....裏面包住d "餡" ~我果個係煙三文魚加磨菇,煙三文魚一入口好"煙" 味!!!正~磨菇都唔錯,但係無煙味點都差少少..哈哈
再點多個handmade pasta,呢鑊係"素" ~用上長通粉,~做得好有心機, 食落去味好濃~醬汁絕對溶入o左通粉內,~!好入味..
有人話唔好食咁多..等陣再去第度食過..~每人連o野飲都係九草o野就食到d咁正..環境又好....的食物...~真係值得推薦大家去...
臨走個美女送上一人一張postcard,下次囉住黎會有9折,張postcard 好得意架~有段短五格漫畫..講到黎呢度好有taste咁...
若果香格里拉的Petrus,跑馬地的Amigo 係LV 或Hermes,而文華的"Vong" 係Jean Paul Gauliter的話...呢間o野等同APC.......
唔好o下o下同女朋友去食梳打粉牛扒,茶記碟頭飯呢~帶佢o黎呢度, 包佢對你另眼相看...
ps:呢間係跑馬地新店~
张贴