旺囍車仔麵 (已結業)

今日食咗旺角鬧市中一間車仔麵，估唔到簡簡單單嘅車仔麵都可以食到咁滿足😍😍😋餸菜有好多款式揀，每款都係大約十蚊，所以真係好抵食😋而小食好多都好有特色，好多我都想試，最後就係飲品都好實惠!呢個口水雞整到好入味，雞嘅熟度啱啱好，非常嫩滑。另外，最好嘅一點就係佢唔會撈埋醬汁，而係會擺埋一邊，等食客可以按自己受辣嘅程度黎調教， 等口水雞唔會過辣或者過淡。d材料真係非常充足，魚蛋同雞翼都有三份，牛肉同魷魚都好多，佢仲加埋生菜，所以好健康。其中一碗我仲叫咗秘制辣汁，d汁好香口，食到唔停嘴! 我地仲叫咗豆漿飲，鮮甜可口。餐廳嘅環境好舒服，衛生情況都唔錯。伙計嘅禮貌都令人滿意!