係用燉湯黎打邊爐嘅專門店，
小編最鐘意打邊爐，梗係唔可以錯過啦！
而用燉湯黎食火鍋嘅火鍋店係香港並不多，
不過小編試過好幾間，
So far「湯煲私房火鍋」係最好食！😏
餐廳環境簡潔企理，
以白色為主調，燈光充足，坐得舒適，
我仲見到佢有箱房，
下次team dinner可以包房啦！🙌🏻☺️
打邊爐混醬混得多，
但店家嘅認真係連醬料都自家製！（敬佩）👏🏻
師傅自家調製嘅蝦蟹醬，
以蝦膏、蝦醬、蝦干、蝦籽、蟹膏等為材料，食落鮮香惹味，
點少少就有畫龍點睛嘅效果，
餘韻仲留係口腔好耐～😊
不過店家嘅食材都好新鮮，
所以即使唔蘸醬都好好味！😋
店家介紹所有湯底都係零味精，
只用新鮮材料熬起嘅老火湯，
呢到仲有好多好獨特嘅湯底：天麻川芎白芷魚頭煲、黑蒜姬松茸脊骨煲、冬瓜陳皮水鴨煲。
黑蒜姫松茸脊骨煲（$288）
姬松茸，又稱「巴西蘑菇」，
多數用於煲湯，有強身保健嘅功效！
呈橙黃色，肉質緊密有彈性，香氣十足！
材料十足，浮係湯面都有6-7隻，
雖然用咗脊骨煲湯，
但係並無多餘嘅油脂泛起，
湯頭好清徹，鮮甜味美，😋
記得火鍋之前先飲湯，
原汁原味最正！👍🏻
所以未打邊爐之前，小編已經飲左好幾碗！😂
墨魚滑（$108）
墨魚滑用小菊花和葉片作裝飾，感覺好優雅～😊
以新鮮墨魚起肉手打而成，
純正墨魚香，結實口感，彈牙有嚼勁！
自從多左返大陸消費，
小編就好鐘意食手打牛丸，
所以就點左份自家製牛肉丸（$98），
食得出係自家製手打，
口感都算爽彈，不過小編鐘意juicy d嘅感覺。🙊
🌟推薦❗️脆肉鯇魚片（$98）
真係好新鮮！👍🏻
魚皮邊口感爽脆，魚油脂香，
無半點腥味。
西班牙黑毛豬梅肉（半份）（$128）
唔講可能會唔知原來呢碟係豬肉，
因為佢紋理清晰，脂肪分佈清晰可見，
平日d豬肉一定要全熟先可以食，
但呢種豬梅肉就唔需要啦
可以好似肥牛咁涮5-6秒就可以食啦！😏
口感嫩滑，鮮甜帶獨特榛子芳香，入口即溶～
🌟推薦❗️豬潤（$68）
小編好少打邊爐會食豬潤，
不過見店家推薦，
所以就即管試下！😏
無諗過豬潤有差不多一隻手掌咁大，
仲要厚切，
食落鮮嫩多汁，又有咬口。
🌟推薦❗️即炸響鈴（$88）
呢到嘅響鈴係要即食！
即叫即炸，香脆可口，
蘸上酸辣醬更惹味！
打完邊爐，
店家仲贈送甜品～
係自家製嘅椰青糕和紅豆桂花糕，
配上是令水果，正！😊
