影片
更多
2025-06-09
517 浏览
放假去咗大埔行山，行完餓到肚都扁，買餸前食返個下午茶。呢間餐廳驟眼睇係一間普通潮式粉麵店，但其實佢有好多特色菜，連黃酒雞同埋豬潤瘦肉都有得食。平價但勁足料，而且食完唔會口渴。✨沙薑豬手/豬耳 $38自家製嘅沙薑汁有香嘅薑辣味，又冇沙薑粉咁鹹。豬手大大隻，除咗充滿骨膠原嘅豬皮，都幾厚肉㗎。豬耳索晒沙薑汁勁入味，比起豬手更啱懶人。✨新鮮豬肉鮮蝦雲吞米粉 $40+紫菜 $6雲吞嘅豬肉鮮蝦比例大概係一半半。蝦肉嘅鮮甜味道好明顯。用嘅係新鮮梅頭，唔怪得冇豬羶味啦。✨什丸 $58大推佢哋嘅墨魚丸。好高墨魚比例勁足料，好濃郁嘅鮮甜味道，感覺上就咁食墨魚都冇咁鮮。✨崩沙腩 $60筋膜比例唔高，肉質有咬口但唔柴。夾雜嘅油脂唔多，所以肉味好濃郁。
放假去咗大埔行山，行完餓到肚都扁，買餸前食返個下午茶。呢間餐廳驟眼睇係一間普通潮式粉麵店，但其實佢有好多特色菜，連黃酒雞同埋豬潤瘦肉都有得食。平價但勁足料，而且食完唔會口渴。
✨沙薑豬手/豬耳 $38
自家製嘅沙薑汁有香嘅薑辣味，又冇沙薑粉咁鹹。豬手大大隻，除咗充滿骨膠原嘅豬皮，都幾厚肉㗎。豬耳索晒沙薑汁勁入味，比起豬手更啱懶人。
✨新鮮豬肉鮮蝦雲吞米粉 $40+紫菜 $6
雲吞嘅豬肉鮮蝦比例大概係一半半。蝦肉嘅鮮甜味道好明顯。用嘅係新鮮梅頭，唔怪得冇豬羶味啦。
✨什丸 $58
大推佢哋嘅墨魚丸。好高墨魚比例勁足料，好濃郁嘅鮮甜味道，感覺上就咁食墨魚都冇咁鮮。
✨崩沙腩 $60
筋膜比例唔高，肉質有咬口但唔柴。夾雜嘅油脂唔多，所以肉味好濃郁。
张贴
